బోర్లంలో ఘనంగా సద్దుల బతుకమ్మ సంబరాలు

కామారెడ్డి జిల్లా బాన్సువాడ మండలం బోర్లం గ్రామంలో గురువారం ఘనంగా సద్దుల బతుకమ్మ సంబరాలు జరుపుకున్నారు. మహిళలు తమతమ ఇళ్ళల్లో తీరొక్క పూలతో పేర్చిన బతుకమ్మలను గ్రామచావిడి వద్దకు తీసుకొచ్చి ఆటపాటలతో బతుకమ్మ పండుగను జరుపుకున్నారు. తదనంతరం గ్రామ చెరువు వద్దకు వెళ్లి సద్దుల భోజనాలు చేశారు. ఈ కార్యక్రమంలో మహిళలు పెద్ద ఎత్తున పాల్గొన్నారు.