ఆర్టీసీ బస్సుకు ఎదురెళ్లి వ్యక్తి మృతి

జీడిమెట్ల పీఎస్ పరిధి షాపూర్ నగర్లో విషాదం జరిగింది. స్థానికులు తెలిపిన వివరాల ప్రకారం.. జీడిమెట్ల డిపోకు చెందిన బస్సుకు ఎదురెళ్లి కింద పడి గుర్తు తెలియని వ్యక్తి (35) మృతి చెందాడు. విషయం తెలుసుకున్న పోలీసులు ఘటనా స్థలానికి చేరుకొని అతడి మృతిపై ఆరా తీశారు. ఇది ఆత్మహత్య? లేక ప్రమాదమా? అనే కోణంలో కేసు నమోదు చేసి దర్యాప్తు చేస్తున్నారు. మృతదేహాన్ని పోస్ట్ మార్టం నిమిత్తం గాంధీ ఆస్పత్రికి తరలించారు.