ஸ்ரீவில்லிபுத்துார்: லாட்டரி சீட்டு விற்பனை செய்த முதியவர் கைது

ஸ்ரீவில்லிபுத்தூர் அருகே வெளி மாநில லாட்டரி விற்பனை செய்த 58 வயது முதியவர் கைது. லாட்டரி சீட்டுகள் மற்றும் ரொக்க பணம் பறிமுதல். விருதுநகர் மாவட்டம், ஸ்ரீவில்லிபுத்தூர் அருகே உள்ள லட்சுமியாபுரம் ரயில்வே பாலம் முன்பாக முதியவர் லாட்டரி சீட்டுகள் விற்பனை செய்வதாக வன்னியம்பட்டி காவல் நிலையத்திற்கு தகவல் வந்தது. 

மேற்படி தகவலின் பேரில் சார்பு ஆய்வாளர் கனகராஜ் தலைமையில் போலீசார் சம்பவ இடத்திற்கு நேரில் ஆய்வு செய்தனர். ஆய்வில் நூர்சாகிபுரம் பஜனைகோவில் தெரு பகுதியை சேர்ந்த 58 வயதுடைய முதியவர் ராமசாமி என்பவர் வெளி மாநில லாட்டரி சீட்டினை விற்பனை செய்வது தெரிய வந்தது. மேலும் அவரிடமிருந்து வெளி மாநில லாட்டரி சீட்டுகள் மற்றும் ரொக்க பணம் ரூ 240/- கைப்பற்றிய போலீசார் அவர் மீது வழக்கு பதிவு செய்து கைது செய்து விசாரணை நடத்தி வருகின்றனர்.