ராஜபாளையத்தில் உலக கல்லீரல் சிறப்பு மருத்துவ முகாம்

ராஜபாளையம் தனியார் திருமண மண்டபத்தில் திமுக மாவட்ட அமைப்பாளர் மருத்துவர் ராதா தலைமையில் முன்னாள் முதல்வர் திமுக தலைவர் கருணாநிதி நூறாவது பிறந்தநாள் நிறைவு விழாவை முன்னிட்டு உலக கல்லீரல் தினத்தை முன்னிட்டு மருத்துவ முகாம் நடைபெற்றது. இம் மருத்துவ முகாமினை சீர் மரபினர் நல வாரிய துணை தலைவர் மற்றும் திமுகவிருதுநகர் தெற்கு மாவட்ட துணைச் செயலாளர் ராசா அருள்மொழி துவக்கி வைத்தார். முன்னாள் சட்டமன்ற உறுப்பினர் வி. பி. ராஜன் கலந்து கொண்டு பொது மருத்துவம் எலும்பு முறிவு பல் சித்த மருத்துவம் ரத்த அழுத்தம் சர்க்கரையின் அளவு மஞ்சள் காமாலைநோய்களுக்கான பரிசோதனை மற்றும் சிகிச்சைகள் வழங்கப்பட்டது.

மேலும் இம்முகாமில் சிறப்பு சோதனைகளாக பைப்ரோ ஸ்கேன் மூலம் கல்லீரலின் செயல்பாடு மற்றும் பாதிப்புகள் அதற்குரிய சிகிச்சைகள் இலவசமாக வழங்கப்பட்டன மேலும் புகையிலை மற்றும் போதைப் பொருட்கள் பயன்படுத்துவோரின் உடல் நிலை மாற்றம் மற்றும் பாதிப்பு குறித்து நோயாளிகளுக்கு எடுத்துரைக்கப்பட்டது.

இம் முகாம் மூலம் பல்வேறு வித நோய்களுக்கான பரிசோதனைகள் சிகிச்சைகள் ஆலோசனைகள் வழங்கப்பட்ட நிலையில் ராஜபாளையம் சுற்றுவட்டார பகுதியில் இருந்து ஏராளமான பொதுமக்கள் கலந்து கொண்டு இம் முகாம் மூலம் பயனடைந்தனர்.