இருசக்கர வாகன விபத்து தொடர்பான சிசிடிவி காட்சி

*அருப்புக்கோட்டை அருகே ஆத்திப்பட்டியில் இருசக்கர வாகன விபத்தில் படுகாயம் அடைந்த முதியவர் உயிரிழப்பு; விபத்து தொடர்பான சிசிடிவி காட்சி*

விருதுநகர் மாவட்டம் அருப்புக்கோட்டை அருகே கஞ்சநாயக்கன்பட்டியை சேர்ந்தவர் திருப்பதி(65). ரியல் எஸ்டேட் தொழில் செய்து வருகிறார். இந்நிலையில் இன்று திருப்பதி ஆத்திபட்டியில் உள்ள கடைக்கு சென்று விட்டு தனது இருசக்கர வாகனத்தை எடுத்துக்கொண்டு வீட்டிற்கு செல்வதற்காக திருச்சுழி சாலையில் திரும்பும் போது, பின்னால் அதிவேகமாக வந்த மற்றொரு இருசக்கர வாகனம் திருப்பதியின் இருசக்கர வாகனத்தின் மீது மோதி விபத்து ஏற்பட்டது. இந்த விபத்தில் திருப்பதி படுகாயம் அடைந்தார். அங்கிருந்தவர்கள் அவரை மீட்டு சிகிச்சைக்காக அருப்புக்கோட்டை அரசு மருத்துவமனைக்கு கொண்டு சென்றனர். ஆனால் அரசு மருத்துவமனை கொண்டு சென்றவுடன் திருப்பதி உயிர் இழந்தார். ‌ இந்த விபத்து குறித்து தாலுகா போலீசார் வழக்கு பதிந்து விசாரணை மேற்கொண்டு வருகின்றனர். இந்த விபத்து தொடர்பான சிசிடிவி காட்சிகள் வெளியாகி உள்ளது. ‌