வீட்டின் முன் இருந்த டூவீலர் திருட்டு - சிசிடிவி வீடியோ

வேலூர் மாவட்டம் குடியாத்தம், பரதராமி அருகே வீ. மோட்டூர் கிராமத்தைச் சேர்ந்த பெயிண்ட் வேலை செய்யும் சரவணன் வேலை முடித்துவிட்டு நேற்று(செப்.5) இரவு வீட்டிற்கு வந்துள்ளார். வீட்டின் முன் தனது இரு சக்கர வாகனத்தை நிறுத்திவிட்டு இன்று காலை எழுந்து பார்த்தபோது இருசக்கர வாகனம் காணாமல் போனது கண்டு அதிர்ச்சி அடைந்தார்.

பின்னர் வீட்டின் முன் பொருத்தப்பட்டுள்ள சிசிடிவி காட்சிகளை ஆய்வு செய்த போது அடையாளம் தெரியாத தொப்பி அணிந்த இரண்டு மர்ம நபர்கள் இவருடைய இருசக்கர வாகனத்தை திருடி சென்றது தெரியவந்தது. சிசிடிவி காட்சிகளுடன் பரதராமி காவல் நிலையத்தில் புகார் அளித்தார். புகாரின் அடிப்படையில் பரதராமி காவல்துறையினர் விசாரணை மேற்கொண்டு வருகின்றனர்.