ரஜினி குதிரை போன்றவர் விழுந்தாலும் ஜெயித்து விடுவார்.

பல்லடம் மாணிக்கபுரம் சாலையில் புதிதாக 5 திரைகள் கொண்ட உலக தரம் வாய்ந்த ஆடியோ தொழில்நுட்பம் கொண்ட அருணோதயா மல்டிபிளக்ஸ் திரையரங்கம் திறப்பு விழா நிகழ்ச்சி வெகு விமர்சையாக நடைபெற்றது.

இந்நிகழ்ச்சியில் கலந்து கொண்ட முன்னாள் தமிழ்நாடு திரையரங்க உரிமையாளர்கள் சங்க தலைவர் சக்தி சுப்பிரமணியம் செய்தியாளர்களை சந்தித்து பேட்டி அளித்தார். வேட்டையன் படம் குறித்து கேள்வி எழுப்பியதற்கு ஜெயிலர் படத்தை விட வேட்டையன் படம் மிக நன்றாக இருக்கும் என்றும் அவர் இன்னும் இளமையாக தான் இருக்கிறார் பெரிய ஓப்பனிங் உண்டு என்றும் அவர் தெரிவித்தார். ரஜினிக்கு தற்பொழுது உடல்நிலை சரியில்லை அவர் அடுத்தடுத்த படங்கள் நடிப்பாரா என செய்தியாளர்கள் எழுதிய கேள்விக்கு அவர் குதிரை போல விழுந்தாலும் உடனே வெற்றி பெற்று விடுவார் என கூறினார்.