திருச்சி அருகே ஆடு திருடிய இரண்டு பேர் கைது
திருச்சி நவல்பட்டு காவல் நிலைய எல்லைக்குட்பட்ட கும்பக்குடி கிராமத்தைச் சேர்ந்தவர் கலியமூர்த்தி. இவர் 20க்கும் மேற்பட்ட ஆடுகளை வளர்த்து வருகிறார். இந்நிலையில் கடந்த ஒன்பதாம் தேதி அன்று இவரது ஆட்டுக் கொட்டையிலிருந்து இரண்டு ஆடுகள் காணாமல் போனது. இதைத் தொடர்ந்து நேற்று(அக்.10) கீரனூர் சந்தையில் இவரது ஆடுகளை ஓட்டி வந்த தஞ்சாவூர் மாவட்டம் பூதலூர் பகுதியை சேர்ந்த சிவக்குமார், ஜெகநாதன் ஆகிய இருவரையும் அடையாளம் கண்ட கலியமூர்த்தி இது குறித்து நவல்பட்டு காவல் நிலையத்தில் புகார் அளித்தார். அதன் பேரில் சம்பவ இடத்திற்கு வந்த போலீசார் ஆடுகளை திருடிய இருவரையும் கைது செய்தனர்.
