மணப்பாறை அருகே அரசு பேருந்து மோதி மூதாட்டி பலி
மணப்பாறை அருகே உள்ள காட்டுப்பட்டியை சேர்ந்தவர் மூதாட்டி சரஸ்வதி வயது 81 சம்பவம் நடந்த நேற்று மணப்பாறை மாரியம்மன் கோவில் அருகே சாலையை கடக்க முயற்சி செய்துள்ளார். அப்போது அப்பகுதியில் வந்த அரசு பேருந்து ஒன்று அவர் மீது மோதி விபத்துக்குள்ளானதில் கீழே விழுந்த மூதாட்டி தலையில் பலத்த காயமடைந்து சம்பவ இடத்திலேயே உயிர் இழந்தார். இது குறித்து வழக்கு பதிவு செய்த மணப்பாறை காவல் நிலைய போலீசார் விபத்தை ஏற்படுத்திய அரசு பேருந்து ஓட்டுனரான துறையூர் அமைதிபுரம் பகுதியைச் சேர்ந்த வீரமணி என்பவரிடம் விசாரணை நடத்தி வருகின்றனர்.
