திருச்சி: உலக அமைதியை காக்க வலியுறுத்தி மாரத்தான்
திருச்சியில் இன்று (நவம்பர் 17) மனிதனுக்காக மகான் இயக்கம், ஸ்ரீ வேலுதேவர் ஐயா அறக்கட்டளை சார்பில் மாநில அளவிலான 5 கிமீ மாரத்தான் போட்டி நடைபெற்றது. திருச்சி உழவர்சந்தை சாலையில் இருந்து தொடங்கி மாரத்தான் ஓட்டம் நீதிமன்றம் சாலை, பாரதிதாசன் சாலை, ஒத்தக்கடை, தலைமை தபால்நிலையம், டிவிஎஸ் டோல்கேட் வழியாக அண்ணா விளையாட்டரங்கம் வரை சென்று நிறைவடைந்தது. இதில் 14, 17 வயதிற்குட்பட்டோர், 17 வயதிற்கு மேற்பட்டோர் என 3 பிரிவுகளில் எந்த ஒரு கட்டணமும் இன்றி நடைபெற்றது. திருச்சி மற்றும் பல்வேறு மாவட்டங்களில் இருந்து 4000க்கும் மேற்பட்ட வீரர், வீராங்கனைகள் பங்கேற்று உற்சாகமாக ஓடினர்.
