உலக அமைதியை பேணிக் காக்க வலியுறுத்தி திருச்சியில் மாரத்தான்

திருச்சியில் இன்று மனிதனுக்காக மகான் இயக்கம், ஸ்ரீ வேலுதேவர் ஐயா அறக்கட்டளை சார்பில் மாநில அளவிலான 5கிமீ மாரத்தான் போட்டி நடைபெற்றது.

ஸ்ரீ ஸ்ரீ பாம்பாட்டி ஓம்காரகோவில் நிறுவனர் ஸ்ரீ. ஸ்ரீ வேலுதேவர் சித்தர், தொன்போஸ்கோ சொசைட்டி அமலாதாஸ், சமூகஆர்வலர் அல்தாப் அஹமது உள்ளிட்டோர் பங்கேற்று கொடியசைத்து தொடங்கி வைத்தனர்.

உலக நாடுகளில் எந்தவித போர்யின்றி, உலக அமைதிக்காகவும், நாட்டில் மக்கள் தொகை அதிகரித்துவரும் சூழலில், விளைநிலங்கள் குறைந்து விவசாயம் கேள்விக்குறியாகி வரும் நிலையில், விவசாயத்தை பேணிகாக்கவும் வலியுறுத்தி மாரத்தான் ஓட்டும் நடைபெற்றது.

திருச்சி உழவர்சந்தை சாலையில் இருந்து தொடங்கி மாரத்தான் ஓட்டம் நீதிமன்றம்சாலை, பாரதிதாசன் சாலை, ஒத்தக்கடை, தலைமை தபால்நிலையம், டிவிஎஸ் டோல்கேட் வழியாக அண்ணா விளையாட்டரங்கம் வரை சென்று நிறைவடைந்தது.

இதில் 14, 17 வயதிற்குட்பட்டோர், 17வயதிற்கு மேற்பட்டோர் என 3பிரிவுகளில் எந்தஒரு கட்டணமின்றி நடைபெற்றது.
திருச்சி மற்றும் பல்வேறு மாவட்டங்களில் இருந்து 4000க்கும் மேற்பட்ட வீரர், வீராங்கனைகள் பங்கேற்று உற்சாகமாக ஓடினர்.