தூத்துக்குடி: மோட்டார் சைக்கிள் திருடிய வாலிபர்கள் கைது
நாலாட்டின்புத்தூர் அருகே மோட்டார் சைக்கிள் திருடிய 2 வாலிபர்களை போலீசார் கைது செய்தனர். தூத்துக்குடி மாவட்டம், நாலாட்டின்புத்தூர் அருகில் உள்ள வானரமுட்டி முத்துநகர் பகுதியை சேர்ந்த மாரியப்பன் மகன் முத்துச்செல்வம் (23). கடந்த 6-ந் தேதி இரவு இவர் வீட்டின் முன்பு நிறுத்தியிருந்த அவரது மோட்டார் பைக் திருடுபோய்விட்டது. இது குறித்து அவர் அளித்த புகாரின் பேரில் நாலாட்டின்புத்தூர போலீஸ் சப்- இன்ஸ்பெக்டர் அருள்சாம்ராஜ் வழக்குப் பதிவு செய்து விசாரணை நடத்தினார். அப்பகுதியில் உள்ள கண்காணிப்பு கேமரா பதிவுகளை ஆய்வு செய்ததில் மானூர் தாலுகா மருதங்கிணறு பெரிய பிள்ளையார் கோவில் தெருவை சேர்ந்த பன்னீர்செல்வம் மகன் வல்லரசு (25), சிவகங்கை மாவட்டம் கன்னிமார்பட்டி கிராமத்தை சேர்ந்த செல்வக்குமார் மகன் கார்த்திகேயன் (27) ஆகியோர் பைக்கை திருடியது தெரிய வந்தது. இதையடுத்து போலீசார் 2 பேரையும் கைது செய்து பைக்கை பறிமுதல் செய்தனர்.
