கோவில் வாசலுக்குள் புகுந்த அரசு பேருந்து; சிசிடிவி காட்சிகள்

கோவில்பட்டியில் கட்டுப்பாட்டை இழந்து சாலையின் ஓரத்தில் இருந்த கோவில் வாசலுக்குள் புகுந்த அரசு பஸ்
லேசான காயங்களுடன் அதிர்ஷ்டவசமாக உயிர் தப்பிய பயணிகள் சிசிடிவி காட்சிகள் வெளியாகி பரபரப்பு



தூத்துக்குடி மாவட்டம் விளாத்திகுளத்தில் இருந்து கோவில்பட்டி வழியாக தென்காசிக்கு அரசு பஸ் ஒன்று சென்றுள்ளது. இந்தப் பஸ்ஸினை லட்சுமண பெருமாள் ஒட்டி வந்துள்ளார். பஸ்கோவில்பட்டி புதுரோடு வழியாக அண்ணா பஸ் நிலையத்திற்கு சென்று கொண்டிருந்தபோது திடீரென கட்டுப்பாட்டினை இழந்து புது ரோடு இறக்கத்தில் உள்ள முச்சந்தி விநாயகர் கோவில் வாசலில் மோதி நின்றது. இதில் பயணம் செய்த சில பயணிகளுக்கு லேசான காயம் ஏற்பட்டது. கோவில் முகப்பில் இருந்த வாசல் கம்பியை இடித்து பஸ் நின்றதால் விபத்து தவிர்க்கப்பட்டது. இந்த விபத்து காரணமாக புது ரோடு, ரயில் நிலையம் சாலை ஆகிய பகுதிகளில் போக்குவரத்து நெருக்கடி ஏற்பட்டது. காவல்துறையினர் விரைந்து வந்து போக்குவரத்தை சரி செய்தனர். மேலும் விபத்துக்குள்ளான பேருந்தையும் அங்கிருந்து அகற்றினர். பிரேக் பிடிக்கவில்லை என்பதால் விபத்து ஏற்பட்டு இருக்கலாம் என்று கூறப்படுகிறது. இந்த விபத்து குறித்து கோவில்பட்டி கிழக்கு காவல் நிலைய போலீசார் வழக்கு பதிவு செய்து விசாரணை நடத்தி வருகின்றனர்

இந்த நிலையில் கோவில் மீது அரசு பஸ் மோதும் சிசிடிவி காட்சிகள் வெளியாகி பெரும் பரபரப்பினை ஏற்படுத்தி உள்ளது