கோவிலை இடிக்க எதிர்ப்பு: வணிகர்கள் கடையை அடைத்து போராட்டம்

திருவள்ளூர் அருகே
நவசக்தி விநாயகர் கோவிலை இடித்து அகற்றி சாலை விரிவாக்க பணிகளை மேற்கொள்ள எதிர்ப்பு தெரிவித்து கிராமமக்கள் வணிகர்கள் கடைகளை அடைத்து ஆர்ப்பாட்டத்தில் ஈடுபட்டனர்

திருவள்ளூர் மாவட்டம் தாமரைப்பாக்கத்தில் அம்மணம்பாக்கம் கூட்டு சாலையில் நெடுஞ்சாலையில் அமைந்துள்ள அருள்மிகு ஸ்ரீ நவசக்தி விநாயகர் கோவிலை சாலை விரிவாக்க பணிகளுக்காக நெடுஞ்சாலைத்துறையினர் அகற்றுவதற்கு எதிர்ப்பு தெரிவித்து கோவிலை இடிக்காமல் மாற்றுப் பாதையில் கொரட்டூர் திருநின்றவூர் பெரியபாளையம் செல்லும் சாலையை அமைக்க வேண்டும் என அப்பகுதி கிராம மக்கள் மற்றும் வியாபாரிகள் தங்களது கடைகளை அடைத்து எதிர்ப்பு தெரிவித்து கண்டன ஆர்ப்பாட்டத்தில் ஈடுபட்டனர் அவர்களிடம் வெங்கல் காவல் துறையினர் சமரசம் மேற்கொண்டதை ஒட்டி தற்காலிகமாக கோவில் இடிக்கும் பணிகள் நிறுத்தி வைக்கப்பட்டுள்ளது.