சோழவந்தான்: திமுக, காங்கிரஸ் வாக்குவாதம்.
மதுரை மாவட்டம் சோழவந்தான் தொகுதிக்குட்பட்ட பல்வேறு பகுதிகளில் கடந்த இரண்டு நாட்களாக பொதுமக்களை சந்தித்து தேனி எம். பி தங்க தமிழ் செல்வன் நன்றி தெரிவித்து வருகிறார். நேற்று (அக். 10) மதியம் நன்றி தெரிவிக்க மேலக்கால் பகுதிக்கு சென்ற போது அங்கிருந்த காங்கிரஸ் நிர்வாகிகள் தங்களுக்கு தகவல் தெரிவிக்கவில்லை என தங்க தமிழ்ச்செல்வன் எம்பி மற்றும் சோழவந்தான் எம்எல்ஏ வெங்கடேசன் ஆகியோரிடம் வாக்குவாதத்தில் ஈடுபட்டனர். மேலக்கால் பகுதியில் உள்ள காங்கிரஸ் மூத்த நிர்வாகி தங்க தமிழ்ச்செல்வன் எம்பி இடம் திமுகவினர் எங்களுக்கு தகவல் தெரிவிக்கவில்லை. தெரிவித்திருந்தால் காங்கிரஸ் தொண்டர்களையும் அழைத்து வந்திருப்போம் என்றனர். தேனி தொகுதியில் நீங்கள் ஜெயிப்பதற்கு காங்கிரஸும் ஒரு காரணம் இனியாவது காங்கிரஸ் தொண்டர்களையும் நிர்வாகிகளையும் முறையாக அழைக்க வேண்டும் என கூறினார். உடனே அங்கிருந்த திமுகவினர் வாக்குவாதத்தில் ஈடுபட்டனர். மேலும் இது குறித்து எம்எல்ஏ வெங்கடேசன் கூறும்போது, ஒன்றிய செயலாளர் இடம் தான் கேட்க வேண்டும் என்று கூறினார். உடனே அங்கிருந்த திமுக நிர்வாகிகள் காங்கிரஸ் நிர்வாகியிடம் மேலும் வாக்குவாதத்தில் ஈடுபட்டனர். இதனால் நன்றி சொல்ல வந்த இடத்தில் சிறிது நேரம் பரபரப்பு ஏற்பட்டது.
