கஞ்சா விற்ற 2 பேர் கைது

கபிஸ்தலம் போலீஸ் இன்ஸ்பெக்டர் மகாலட்சுமி, சிறப்புசப்-இன்ஸ்பெக்டர்கள் குமார், முருகதாஸ் மற்றும் போலீசார் தீவிர ரோந்து பணியில் ஈடுபட்டனர். அப்போது கபிஸ்தலம்பாலக்கரை காவிரி ஆறு பகுதியில் 16 வயதுடைய சிறுவர்களுக்கு கஞ்சா விற்ற ஒருவரை பிடித்து 80 கிராம் கஞ்சாபொட்டலங்களை பறிமுதல் செய்தனர். விசாரணையில் அவர் கபிஸ்தலம் பங்களா தெருவை சேர்ந்த ஆறுமுகம் மகன்தர்மராஜ் (வயது 27) என்பது தெரியவந்தது.

அவரை போலீசார் கைது செய்தனர். இதேபோல் கபிஸ்தலம் அருகே உள்ள புதுக்கண்டி படுகை நடுத்தெருவில் வசிக்கும் தங்கதுரை மகன் விஜய் (24) என்பவர் தேவனோடை, புதுக்கண்டி படுகை. பிள்ளையார் கோவில் அருகில் நின்று கொண்டு கஞ்சா விற்றது தெரியவந்தது. அவரிடம் இருந்து 90 கிராம் கஞ்சாபொட்டலங்களை போலீசார் பறிமுதல் செய்து, அவரை கைது செய்தனர்.