தஞ்சை: தம்பதி தவறவிட்ட பணப்பையை மீட்ட ரயில்வே போலீஸ்
ரயிலில் தம்பதியினர் தவறவிட்ட பணப்பையை மீட்ட காவல்துறையினர் அவர்களிடம் ஒப்படைத்தனர். தஞ்சாவூர் சேர்ந்தவர்கள் ஹரிஹரன் - சிந்துஜா தம்பதி, இவர்கள் பெங்களூருவில் வசித்து வருகின்றனர். தீபாவளிக்காக இவர்கள் மைசூரில் இருந்து கடலூர் துறைமுகம் செல்லும் ரயிலில் வந்தனர். தஞ்சாவூரில் இறங்கிய போது தான் தங்களது பையை ரயிலில் தவறவிட்டது தெரியவந்தது. இது குறித்து தஞ்சை ரயில்வே பாதுகாப்பு படை போலீஸ்சாரிடம் அவர்கள் தெரிவித்தனர். உடனடியாக அவர்கள் கும்பகோணம் ரயில்வே பாதுகாப்பு படை போலீசாருக்கு தகவல் அளித்தனர். அவர்கள் அந்த ரயில் கும்பகோணம் வந்ததும் தம்பதி பயணம் செய்த பெட்டியில் ஏறி பையை மீட்டனர். இதையடுத்து தம்பதியை கும்பகோணம் ரயில்வே பாதுகாப்பு படை காவல் நிலையத்துக்கு வரவழைத்து பையை உதவி ஆய்வாளர் சிவக்குமார் ஒப்படைத்தார். அந்த பையில் ரூபாய் 7190 ரொக்கம் மற்றும் ஏடிஎம் கார்டு மற்றும் அடையாளச் சான்றுகள் இருந்தன. தங்களது உடைமையை பெற்றுக்கொண்ட தம்பதியினர் ரயில்வே போலீசாருக்கு நன்றி தெரிவித்தனர்.
