பட்டுக்கோட்டை கோயில்களில் நவராத்திரி விடையாற்றி உற்சவம்
பட்டுக்கோட்டையில் சிவன் கோயில், பெருமாள் கோயில், ஆஞ்சநேயர் கோயில் உள்ளிட்ட அனைத்து கோயில்களிலும் நவராத்திரி விழா நடந்து முடிந்தது. நவராத்திரி விழா நிறைவில் விடையாற்றி விழா காமாட்சி அம்பாள் சமேத ஏகாம்பரேஸ்வரர் கோயிலில் நடந்தது. ஏற்பாடுகளை திருஞானம் குடும்பத்தினர் செய்திருந்தனர். விடையாற்றி நிகழ்ச்சியில் நாராயணன் குருக்கள் குழுவினர் உற்சவ காமாட்சியம்பாளுக்கு அனந்த சயனத்தில் அலங்காரம் செய்து ஊஞ்சலில் படுத்திருப்பது போல வைத்து தீபாராதனைகள் காண்பித்தது கண்கொள்ளாக் காட்சியாக இருந்தது. ஊஞ்சலை பக்தர்கள் ஆட்டிவிட்டு தரிசனம் செய்தனர். அதன் பின்பு அனைவருக்கும் பிரசாதங்கள் வழங்கப்பட்டது. நிகழ்ச்சியில் கருணாநிதி, கோயில் பொறுப்பாளர்கள் சுகுமார், மாதேஸ்வரன் மற்றும் பலர் கலந்து கொண்டனர்.
