சேலம் ஹோலி கிராஸ் மெட்ரிக் பள்ளி ஆண்டு விழா

சேலம் ஹோலி கிராஸ் மெட்ரிக் மேல்நிலைப்பள்ளி 62-ம் ஆண்டு விழா நடைபெற்றது. விழாவுக்கு ஹோலி கிராஸ் இண்டர்நேஷனல் பள்ளியின் முதல்வர் ஸ்டீபன் ஆனந்தராஜ், தொடக்க பள்ளி துணை முதல்வர் அருள் ஜீவன், பள்ளியின் நிர்வாகி ஏசுதாசன் ஆகியோர் தலைமை தாங்கினர். பள்ளியின் முதல்வர் சேசுராஜ் ஆண்டறிக்கை வாசித்தார். 

விழாவில் சிறப்பு விருந்தினர்களாக உணவு பாதுகாப்பு அதிகாரி சதீஷ்குமார், குழந்தைகள் நல மருத்துவர் டாக்டர் பிந்து சரவணன், டாக்டர் துரைசாமி, பள்ளி நிர்வாகி சந்தோஷ் ஆகியோர் கலந்துகொண்டனர். விழாவில் பேசிய சிறப்பு விருந்தினர்கள் ஆரோக்கியமற்ற உணவுகளின் தீமைகள் பற்றியும், அதனால் மாணவர்களுக்கு ஏற்படும் பாதிப்புகள் பற்றியும் எடுத்துரைத்தனர். தொடர்ந்து சிறந்த மதிப்பெண்கள் பெற்ற மாணவர்களுக்கு பரிசுகள் வழங்கப்பட்டன. 

தொடர்ந்து மாணவர்களின் பல்வேறு கலை நிகழ்ச்சிகள் நடைபெற்றன. விழா ஏற்பாடுகளை பள்ளி துணை முதல்வர் அந்துவான் குணசீலன், ஆசிரியர் குழுவினர் செய்திருந்தனர்.