உலக குத்துச்சண்டை போட்டி: வரலாற்று சாதனை படைத்த இந்திய வீரர்

உலக குத்துச்சண்டை கோப்பை தொடரின் முதல் சுற்று பிரேசிலில் நடந்து வருகிறது. இந்த போட்டியில் 19 நாடுகளைச் சேர்ந்த 130 வீரர்கள் கலந்து கொண்டுள்ளனர். இதில் 70 கிலோ எடை கொண்ட பிரிவின் அரையிறுதி ஆட்டத்தில், இந்திய வீரர் ஹிதேஷ் போட்டியிட்டார். 5-0 என்ற கணக்கில் பிரான்சின் மகான் டிராரியை வீழ்த்தி இறுதிப் போட்டிக்கு முன்னேறினார். இறுதிப் போட்டியில் இங்கிலாந்தைச் சேர்ந்த ஒடெல் கமாராவுடன் மோதவுள்ளார். இதன் மூலம் இறுதிப்போட்டிக்கு முன்னேறிய முதல் இந்திய வீரர் என்ற சாதனையை படைத்துள்ளார்.