தலைவாசல் ஒன்றியக்குழு கூட்டம்.. எம்எல்ஏ பங்கேற்பு

சேலம் மாவட்டம் தலைவாசல் ஒன்றியக்குழு கூட்டம் கூட்ட அரங்கில் நடைபெற்றது. ஒன்றியக்குழு தலைவர் ராமசாமி தலைமை தாங்கினார். வட்டார வளர்ச்சி அலுவலர்கள் அன்பு ராஜன், இளங்கோ, ஒன்றியக்குழு துணை தலைவர் அஞ்சலை ஆகியோர் முன்னிலை வகித்தனர். இதில் கவுன்சிலர்கள், அலுவலர்கள் கலந்து கொண்டனர்.

கூட்டத்தில், காமக்காபாளையம் ஊராட்சியில் ரூ. 6. 50 கோடி மதிப்பீட்டில் கட்டி முடிக்கப்பட்ட காய்கறி குளிர் பதன கிடங்கை விவசாயிகளின் நலன் கருதி பயன்பாட்டுக்கு கொண்டுவர நடவடிக்கை எடுக்க வேண்டும் என்பது உள்ளிட்ட கோரிக்கைகள் குறித்து கவுன்சிலர்கள் பேசினர். கூட்டத்தில் எம். எல். ஏ. நல்லதம்பி, மாவட்ட கவுன்சிலர் இளங்கோவன் கலந்து கொண்டனர்.