கோவை: ஆனைமலை மாசாணி அம்மன் கோயில் - தயார் நிலையில் கலசங்கள்
பொள்ளாச்சி அருகே உள்ள பிரசித்தி பெற்ற ஆனைமலை மாசாணியம்மன் கோயிலின் குடமுழுக்கு திருவிழா டிசம்பர் மாதம் 12ஆம் தேதி பெரும் விமரிசையாக நடைபெற உள்ளது. இந்த திருவிழாவிற்கான முன்னேற்பாடுகள் தற்போது தீவிரமாக நடைபெற்று வருகின்றன. குடமுழுக்கு திருவிழாவிற்காக கோபுரங்களில் வைக்கப்பட உள்ள கலசங்கள் தற்போது தயார் நிலையில் வைக்கப்பட்டுள்ளன. மொத்தம் 52 கலசங்கள் தயார் செய்யப்பட்டுள்ளன. இந்த கலசங்களை அறங்காவலர் குழு தலைவர் முரளி கிருஷ்ணன் மற்றும் அறங்காவலர் குழு உறுப்பினர் மஞ்சுளா தேவி ஆகியோர் நேற்று (நவம்பர் 23) நேரில் சென்று பார்வையிட்டனர். அப்போது கோயில் முறைதாரர்களும் உடன் இருந்தனர். குடமுழுக்கு விழாவுக்கு அதிகமான பக்தர்கள் வருகை தர வாய்ப்பு இருப்பதாக கோவில் நிர்வாகம் சார்பில் தெரிவிக்கப்பட்டுள்ளது.
