அலங்காநல்லூர்: முட்புதரில் ஆண் சடலம் மீட்பு
மதுரை மாவட்டம் அலங்காநல்லூர் அருகே மேலபனங்காடி கிராமத்தை சேர்ந்தவர் பாலு ( 53). மைக்செட் தொழிலாளி. இவர் சற்று மனநலம் பாதிக்கப்பட்டவர் என கூறப்படுகிறது. பாலு சில நாட்களாக சரியாக சாப்பிடாமல் இருந்தாராம். நேற்று முன் தினம் (நவம்பர் 08) வீட்டை விட்டு வெளியே சென்ற அவர் வீடு திரும்ப வில்லை. இதனால் வீட்டில் உள்ளவர்கள் பல்வேறு பகுதி களில் தேடி பார்த்தனர். அப்போது அப்பகுதியில் உள்ள ஒரு முட்புதரில் பாலு பிணமாக கிடந்தார். இதனையறிந்த அலங்காநல்லூர் போலீசார் பாலுவின் உடலை மீட்டு பிரேத பரிசோதனைக்காக மதுரை அரசு மருத்துவமனைக்கு அனுப்பி வைத்தனர். மேலும் அவர் எப்படி இறந்தார்? என வழக்குப்பதிவு செய்து விசாரணை நடத்தி வருகின்றனர்.
