மதுரை: நார் தொழிற்சாலையில் தீ

மதுரை மாவட்டம் வாடிப்பட்டி மெயின் ரோட்டில் சந்திரசேகர் என்பவருக்கு சொந்தமான தென்னை நார் உர தொழிற்சாலை உள்ளது. நேற்று மதியம் தொழிற்சாலையில் தென்னை நாரிலிருந்து தூசி கழிவுகளை பிரித்தெடுக்கும் இயந்திரம் அருகே மின் கசிவால் தீ விபத்து ஏற்பட்டது. பின் அப்பகுதியில் இருந்த மூடைகளிலும் தீ பரவத் துவங்கியது. இதனால் பகுதி முழுவதும் புகை மண்டலமாக காட்சியளித்தது. வாடிப்பட்டி தீயணைப்பு நிலைய அலுவலர் ஆல்பர்ட் பிரான்சிஸ் தலைமையில் வீரர்கள் தீயை அணைத்தனர்.