அலங்காநல்லூரில் மனநலம் பாதிக்கப்பட்டவர் உயிரிழப்பு

மதுரை: அலங்காநல்லூர் காவல் நிலைய சரகத்திற்கு உட்பட்ட மேல பனங்காடி கிராமத்தில், மனநிலை பாதிக்கப்பட்டவர் ஒருவர் மர்மமான முறையில் உயிரிழந்த சம்பவம் பெரும் சோகத்தை ஏற்படுத்தியுள்ளது. இறந்தவர் பாலு (53) என்பவராவார். இவர், சந்திரசேகர பெருமாள் தெருவைச் சேர்ந்தவர். கடந்த பத்து நாட்களாக உணவு உண்ணாமல் இருந்த இவர், நேற்று இரவு வீட்டை விட்டு வெளியே சென்று, அதே தெருவில் சாகுல் ஹமீது என்பவரது வீட்டின் அருகே இருந்த முட்புதரில் பிணமாகக் கிடந்தார். 

பாலுவுக்கு பார்வதி என்ற மனைவியும், முருகன் (29), சக்திவேல் (24) என இரு மகன்களும் உள்ளனர். இவர், ரேடியோ செட் போடும் வேலையை செய்து வந்தார். உடலில் எந்தவித காயங்களும் இல்லாததால், இறப்பிற்கான காரணம் குறித்து காவல்துறையினர் விசாரணை நடத்தி வருகின்றனர். இறந்தவரின் உடல், மேல்முறையான பரிசோதனைக்காக மதுரை அரசு ராஜாஜி மருத்துவமனைக்கு கொண்டு செல்லப்பட்டுள்ளது.