கல்வி உபகரணங்கள் வழங்கும் நிகழ்ச்சி

அரசு பள்ளி மாணவர்களுக்கு கல்வி உபகரணங்கள் வழங்கும் நிகழ்ச்சி.
கிருஷ்ணகிரி மாவட்டம் ஊத்தங்கரை அரசு ஆண்கள் மேல்நிலைப் பள்ளியில் படிக்கும் தேர்ந்தெடுக்கப்பட்ட மாணவர்களுக்கு சீருடைகள் மற்றும் கல்வி உபகரணங்கள் வழங்கும் நிகழ்ச்சி நடைபெற்றது. இந்நிகழ்ச்சிக்கு பள்ளி தலைமை ஆசிரியர் பெரியசாமி தலைமை தாங்கினார். உதவி தலைமை ஆசிரியர்கள் சக்திவேல், யசோதா, கணேசன் ஆகியோர் முன்னிலை வகித்தனர். நன்றாக படிக்கக்கூடிய, விடுப்பு எடுக்காமல் பள்ளிக்கு வரக்கூடிய, பல் திறன் கொண்ட மாணவர்களுக்கு சிவானி சில்க்ஸ் த. மோகன்ராஜ், சதீஷ் மெடிக்கல்ஸ் தே. சதீஷ்குமார், கிரேட் என்ஜிஓ சி. உமா மகேஸ்வரி, ஆசிரியர் கு. கணேசன் ஆகியோர் சீருடைகள் மற்றும் கல்வி உபகரணங்களை வழங்கினர். மேலும் தேர்ந்தெடுக்கப்பட்ட மாணவர்களுக்கு வருடம் முழுவதற்கு தேவையான கல்வி உபகரணங்களை வழங்குவதாகவும் உறுதியளித்தனர். இந்நிகழ்ச்சியில் இருபால் ஆசிரியர்கள், அலுவலர்கள், பெற்றோர்கள் மற்றும் மாணவர்கள் கலந்து கொண்டனர்.