மோளப்பாளையத்தில் கஞ்சாவை பதுக்கி வைத்த இளைஞர் கைது.

மோளப்பாளையத்தில் கஞ்சாவை பதுக்கி வைத்த இளைஞர் கைது. 100 கிராம் கஞ்சா பறிமுதல்.

கரூர் மாவட்டம்
க. பரமத்தி காவல் நிலைய எல்லைக்கு உட்பட்ட பகுதியில் கஞ்சாவை பதுக்கி வைத்திருப்பதாக காவல் உதவி ஆய்வாளர் சந்திரசேகரனுக்கு தகவல் கிடைத்தது.

தகவலின் அடிப்படையில் அக்டோபர் 15ஆம் தேதி மதியம் 2 மணி அளவில்
க. பரமத்தியில் இருந்து நொய்யல் செல்லும் சாலையில் உள்ள மோளப்பாளையம் பகுதியில் ரோந்து பணியில் ஈடுபட்டார் சந்திரசேகரன்.

அப்போது அங்கு சந்தேகப்படும்படியாக நின்று கொண்டிருந்த மோளப்பாளையம் பகுதியைச் சேர்ந்த சக்திவேல் மகன் லோகேஷ் வயது 22 என்பவரை பிடித்து விசாரணை செய்த போது, அவர் கஞ்சாவை பதுக்கி வைத்திருந்தது தெரிய வந்தது.

பதுக்கி வைத்திருந்த ரூபாய் 1000 மதிப்புள்ள 100 கிராம் கஞ்சாவை பறிமுதல் செய்த காவல்துறையினர், லோகேஷை கைது செய்து சிறையில் அடைத்து நடவடிக்கை மேற்கொண்டனர்
க. பரமத்தி காவல்துறையினர்.