கருங்கல்: ரூ.1.32 கோடியில் சாலை பணிகள்; தொடங்கி வைத்த எம்எல்ஏ

கருங்கல் பேரூராட்சி உட்பட்ட பகுதிகளில் பழுதடைந்த சாலைகள் மற்றும் மேல்நிலை நீர் தேக்கத் தொட்டிகள் அமைக்க வேண்டும் என்று தமிழக முதலமைச்சர் உட்பட சம்பந்தப்பட்ட துறை அதிகாரிகளிடம் ராஜேஷ்குமார் எம்எல்ஏ தொடர்ந்து நேரில் சந்தித்து கோரிக்கை அளித்தார். அதன்படி சாலைகளை சீரமைக்க நிதி ஒதுக்கப்பட்டது.  

நகர்புற சாலைகள் மேம்பாட்டு திட்டத்தின் கீழ் நடுதேரி - கொடுக்கச்சி விளை சாலை, நடுத்தேரி -  சுண்டவிளை பிஎஸ்என்எல் அலுவலகம் ஆகிய சாலைகளை சீரமைக்க 25 லட்சம், காக்கவிளை -  மலையன்விளை  சாலையை சீரமைக்க 30 லட்சம், சுண்ட விளை  மற்றும் மாங்கன்று விளை பகுதிகளில் மேல்நிலை நீர் தொட்டி அமைக்க கலைஞர் நகர் புற மேம்பாட்டு திட்டத்தின் கீழ் ரூபாய் 78 லட்சம் என மொத்தம் ஒரு கோடியே 33 லட்சம் ஒதுக்கிடப்பட்டு நிர்வாக அனுமதி வழங்கப்பட்டது. இந்த பணிகளை துவங்கும் பணி ராஜேஷ்குமார் எம்எல்ஏ தொடங்கி வைத்தார். நிகழ்ச்சியில் கிளியூர் வட்டார காங்கிரஸ் தலைவர் ராஜசேகரன் உட்பட ஏராளமானவர்கள் கலந்து கொண்டனர்.