சுங்குவார்சத்திரத்தில் குட்கா பறிமுதல் - 4 பேர் கைது
செங்கல்பட்டு மாவட்டம் சுங்குவார்சத்திரம் போலீஸ் எல்லைக்குட்பட்ட பகுதிகளில், தமிழக அரசால் தடை செய்யப்பட்ட குட்கா பொட்டலங்கள் விற்பனை செய்வதாக, காஞ்சிபுரம் மாவட்ட மதுவிலக்கு அமலாக்கத்துறை போலீசாருக்கு தொடர் புகார்கள் வந்தன. அதன்படி, சுங்குவார்சத்திரம், ராமானுஜபுரம், மதுரமங்கலம், மொளச்சூர் உள்ளிட்ட பகுதிகளில் உள்ள கடைகளில், போலீசார் நேற்று முன்தினம் சோதனையில் ஈடுபட்டனர். அதில், அரசால் தடை செய்யப்பட்ட குட்கா பொட்டலங்களை விற்பனைக்காக வைத்திருந்த 25 - 54 வயதுடைய நான்கு பேரை போலீசார் கைது செய்தனர். அவர்களிடமிருந்து,. 25, 000 ரூபாய் மதிப்புள்ள குட்கா பொட்டலங்களை போலீசார் பறிமுதல் செய்தனர்.
