கள்ளக்குறிச்சி: ஜே. எஸ்., குளோபலில் வித்யாரம்பம் நிகழ்ச்சி

ஜே. எஸ். , குளோபல் அகாடமி சி. பி. எஸ். இ. , பள்ளியில் வித்யாரம்பம் நிகழ்ச்சி நடந்தது. நிகழ்ச்சிக்கு, பள்ளி நிறுவனர் செந்தில்குமார் தலைமை தாங்கினார். தாளாளர் ஜனனி செந்தில்குமார் முன்னிலை வகித்தார். விஜயதசமி பண்டிகையையொட்டி பள்ளியில் கே. ஜி. , வகுப்புகளில் சேர மாணவர் சேர்க்கை நடந்தது.

இதில், புதிதாக பள்ளியில் சேர்ந்த குழந்தைகளை அவர்களது பெற்றோர்களுடன் அமரவைத்து, பாரம்பரிய முறையில் நெல்லில் அ, ஆ என்ற வார்த்தைகளை எழுதி பள்ளிக்கல்வியை தொடங்கி வைத்தனர். நிகழ்ச்சியில் தலைமை ஆசிரியை ஜெயலட்சுமி, துணை முதல்வர் பாபு மற்றும் ஆசிரியர்கள் பலர் பங்கேற்றனர்.