சங்கராபுரம்: முருகன் கோவிலுக்குள் பாம்பு புகுந்ததால் பரபரப்பு

சங்கராபுரம் அருகே முருகன் கோவிலுக்குள் புகுந்த பாம்பால் பரபரப்பு ஏற்பட்டது. சங்கராபுரம் அடுத்த அரசம்பட்டு கிராமத்தில் முருகன் கோவில் உள்ளது. இக்கோவிலுக்குள் நேற்று காலை 6 அடி நீளமுள்ள சாரைபாம்பு புகுந்தது.
இதை பார்த்த மக்கள் தீயணைப்பு துறைக்கு தகவல் தெரிவித்தனர். தீயணைப்பு வீரர்கள் விரைந்து வந்து கோவிலில் இருந்த சாரை பாம்பை உயிருடன் பிடித்து, காப்பு காட்டில் விட்டனர்.