ரிஷிவந்தியம்: தீக்குளித்த பெண் பலி

ரிஷிவந்தியம் அடுத்த முனிவாழை கிராமத்தைச் சேர்ந்தவர் மணிகண்டன் மனைவி அலமேலு, 28; மணிகண்டன் பெங்களூருவில் கூலி வேலை செய்து வருகிறார். அலமேலு வீட்டில் தனியாக வசிக்கிறார். இவருக்கு உடல்நல பிரச்னை இருந்தது. இதனால், மனமுடைந்த அவர், கடந்த மாதம் 23ம் தேதி மண்ணெண்ணெய் தீ வைத்துக் கொண்டார். பலத்த காயமடைந்த அவர், சென்னை, கீழ்பாக்கம் அரசு மருத்துவமனையில் சேர்க்கப்பட்டு அங்கு அவர், நேற்று முன்தினம் இறந்தார். ரிஷிவந்தியம் போலீசார் வழக்குப் பதிந்து விசாரிக்கின்றனர்.