மூங்கில்துறைப்பட்டு: அரசு வேலை வாங்கித் தருவதாக பணம் மோசடி

மூங்கில்துறைப்பட்டில் அரசு வேலை வாங்கி தருவதாக பணம் மோசடி செய்த நபர் மீது நடவடிக்கை எடுக்கக்கோரி பெண்கள் போலீசில் புகார் மனு அளித்தனர்.

பொருவளூரைச் சேர்ந்தவர் விஜயா கவுரி, (35); அண்ணா நகர் அமுதா, (50); பொரசப்பட்டு ரமேஷ், (25); ஆகியோர் மூங்கில்துறைப்பட்டு போலீசில் அளித்துள்ள புகார் மனு: மூங்கில்துறைப்பட்டைச் சேர்ந்த ஒரு தனிநபர் அரசு வேலை வாங்கித் தருவதாக கூறி ஒவ்வொருவரிடமும் 5 முதல் 6 லட்சம் ரூபாய் வரை வாங்கியுள்ளார். வேலையும் வாங்கித்தராமல் பணத்தையும் தராமல் காலம் தாழ்த்தி வருகிறார். அவர் மீது நடவடிக்கை எடுத்து பணத்தை பெற்றுத் தருமாறு கேட்டுக் கொள்கிறோம். இவ்வாறு மனுவில் கூறப்பட்டுள்ளது.