ரூ.59,000-ஐ நெருங்கும் தங்கம் விலை

சென்னையில் ஆபரணத் தங்கத்தின் விலை இன்று (அக்., 26) கிராமுக்கு ரூ.65 உயர்ந்து ரூ.7,360க்கும், சவரனுக்கு ரூ.520 உயர்ந்து ரூ.58,880க்கும் விற்பனை செய்யப்படுகிறது. சமீப நாட்களாக தங்கம் விலை கடும் உச்சத்தை எட்டி தற்போது ரூ.59,000-ஐ நெருங்கியுள்ளது. இந்த நிலையில் இன்று மீண்டும் விலை கிடுகிடுவென உயர்ந்துள்ளது. இன்று வெள்ளி விலை மாற்றம் ஏதுமின்றி ஒரு கிராம் ரூ.107க்கும், ஒரு கிலோ ரூ.107,000க்கும் விற்பனையாகிறது.