பவானிசாகர்: 230 ஆண்டுகள் பழமையான தர்காவை புனரமைக்கும் பணி

ஈரோடு மாவட்டம் சத்தியமங்கலம் புலிகள் காப்பகம் பவானிசாகர் வனச்சரகத்திற்கு உட்பட்ட அடர்ந்த வனப்பகுதியில் சுமார் 230 வருடம் பழமை வாய்ந்த கெஞ்ஜலே அர்ஷ் வலியுல்லா தர்கா அமைந்துள்ளது.
இந்த தர்காவில் ஆண்டுதோறும் சந்தனக்கூடு திருவிழா கொண்டாடப்பட்டு வருகிறது. இந்நிலையில் கடந்த இரண்டு ஆண்டுகளாக கமிட்டி அமைப்பதற்காக வக்பு வாரியத்தால் சந்தனக்கூடு விழா நிறுத்தப்பட்டது.

இதைத்தொடர்ந்து கலந்த மாதம் தமிழ்நாடு அரசின் வக்பு வாரியத்தால் 2024-ம் ஆண்டு புதிதாக உறுப்பினர்கள் நியமனம் செய்யப்பட்டனர். புதிதாக நியமனம் செய்யப்பட்ட நிர்வாக கமிட்டியினரால் சிதலமடைந்த நிலையில் இருந்த தர்காவை புனரமைக்கும் பணி தற்போது தீவிரமாக நடைபெற்று வருகிறது. இந்த ஆண்டு குறிப்பிட்ட தேதியில் சந்தனக்கூடு உரூஸ் விழா நடைபெறும் என நிர்வாக கமிட்டியினர் தெரிவித்தனர்.