வேடசந்தூர்: விவசாயக் கிணற்றில் மிதந்த பெண்ணின் சடலம்

வேடசந்தூர் தாலுகா வடமதுரை ஒன்றியம் தும்மலக்குண்டு பகுதியில் உள்ள விவசாயக் கிணற்றில் பெண் சடலம் மிதந்து கொண்டிருந்தது. இதைக் கண்ட அருகில் இருந்தவர்கள் வடமதுரை போலீசாருக்கும் வேடசந்தூர் தீயணைப்புத் துறையினருக்கும் தகவல் தெரிவித்தனர். சம்பவ இடத்திற்கு விரைந்து வந்த தீயணைப்புத் துறையினர் கிணற்றுக்குள் இறங்கி வலை மூலம் பெண்ணின் சடலத்தை மேலே கொண்டு வந்தனர். உடலை கைப்பற்றிய வடமதுரை காவல் நிலைய போலீசார் பிரேத பரிசோதனைக்காக திண்டுக்கல் அரசு மருத்துவக் கல்லூரி மருத்துவமனைக்கு அனுப்பி வைத்தனர். மேலும் வடமதுரை காவல் நிலைய போலீசார் வழக்கு பதிவு செய்து விசாரணை மேற்கொண்டு வருகின்றனர்.