காட்டுமன்னார்கோவில்: செல்போன் திருடியவர் கைது
கடலூர் மாவட்டம் காட்டுமன்னார்கோவில் பேருந்து நிலையத்தில் சப்-இன்ஸ்பெக்டர் மணிகண்டன் தலைமையிலான காவல் துறையினர் ரோந்து சென்றனர். அப்போது அங்கு சந்தேகப்படும் படியாக நின்ற வாலிபரை பிடித்து காவல் துறையினர் விசாரணை செய்ததில் அவர் முன்னுக்குப் பின் முரணாக பதில் அளித்தார். இதையடுத்து தொடர்ந்து நடத்திய தீவிர விசாரணையில் அவர் காட்டுமன்னார்கோவில் அருகே உள்ள குருங்குடி கிராமம் புளியடி தெருவை சேர்ந்த கோகுல கண்ணன் என்பதும் காட்டுமன்னார்கோவில் அருகே செட்டி தாங்கல் ரோட்டு தெருவை சேர்ந்த ராஜதுரை என்பவர் அவரது மோட்டார் சைக்கிளில் வைத்து சென்ற ரூபாய் 15 ஆயிரம் மதிப்பிலான செல்போனை திருடியதையும் ஒப்புக்கொண்டார். இதையடுத்து ராஜதுரையை காவல் துறையினர் கைது செய்து விசாரணை நடத்தி வருகின்றனர்.
