புவனகிரி: மது விற்ற மருமகன் கைது; தப்பியோடிய மாமியார்
கடலூர் மாவட்டம் புவனகிரி காவல் துறையினர் நேற்று முன்தினம் (நவம்பர் 13) ரோந்து பணியில் ஈடுபட்டு கொண்டிருந்தனர். அப்போது லிங்க பைரவி நகர் ஆர்ச் அருகில் இருசக்கர வாகனத்தில் மறைத்து வைத்து பிராந்தி பாட்டில்களை கூடுதல் விலைக்கு விற்பனை செய்தது தெரிய வந்தது. கீழ்புவனகிரி கிழக்கு யாதவ் தெருவை சேர்ந்த விஜயன் என்பவரை கைது செய்து இருசக்கர வாகனம் மற்றும் 20 குவாட்டர் பாட்டில்களை பறிமுதல் செய்தனர். தப்பியோடிய அவரது மாமியார் மஞ்சுளாவை காவல் துறையினர் தேடி வருகின்றனர்.
