கோவை: மாடியில் இருந்து கீழே விழுந்த எலக்ட்ரீஷியன் படுகாயம்

பீளமேடு அருகே தனியாருக்குச் சொந்தமான கட்டிடத்தில் மின்சாதனப் பணியில் ஈடுபட்டிருந்த எலக்ட்ரீஷியன் ஒருவர் எதிர்பாராதவிதமாக 3-வது மாடியிலிருந்து கீழே விழுந்து படுகாயமடைந்தார். நேற்று பீளமேடு பகுதியைச் சேர்ந்த செல்வகுமார் (வயது 30) என்பவர் அப்பகுதியில் உள்ள ஒரு தனியார் கட்டிடத்தில் மின் வேலை பார்த்துக்கொண்டிருந்தார். 

அப்போது எதிர்பாராதவிதமாக கால் தவறி கீழே விழுந்ததில் அவருக்கு பலத்த காயம் ஏற்பட்டது. உடனடியாக அருகில் இருந்தவர்கள் அவரை மீட்டு சிகிச்சைக்காக கோவையில் உள்ள அரசு மருத்துவமனையில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது. இந்த விபத்து குறித்து பீளமேடு போலீசார் இன்று வழக்குப்பதிவு செய்து விசாரணை மேற்கொண்டு வருகின்றனர். பணியின்போது ஏற்பட்ட இந்த விபத்து அப்பகுதியில் சோகத்தை ஏற்படுத்தியுள்ளது.