தென்னங்கன்றுகள் விற்பனை- தோட்டக்கலைத் துறை தகவல்!

ஆனைமலை அருகே தோட்டக்கலை மற்றும் மலைபயிர்கள் துறை தென்னை நாற்றுப் பண்ணையில் தென்னங்கன்றுகள் விற்பனை செய்யப்படுகிறது. ஆனைமலை தோட்டக்கலைத்துறை உதவி இயக்குனர் கோபிநாத் இன்று(செப்.9) வெளியிட்டு இருக்கும் செய்தி குறிப்பில், ஆனைமலை அருகே ஆழியாற்றில் தோட்டக்கலை மற்றும் மலைபயிர்கள் துறையின் கீழ் தென்னை நாற்றுப்பண்ணை செயல்படுகிறது.

இங்கு வளர்க்கப்படும் நெட்டை, குட்டை ரக கலப்பின நாற்றுகள் தயார் நிலையில் உள்ளது. நெட்டை ரக கன்றுகள் ஒன்று 65 ரூபாய்க்கும் கலப்பின ரகங்கள் 125க்கும் விற்பனை செய்யப்படுகிறது. தேவைப்படும் விவசாயிகள் சிட்டா மற்றும் ஆதார் கார்டுடன் வந்து பெறலாம். மேலும் விவரங்களுக்கு ஆனைமலை தோட்டக்கலை துறை அலுவலகத்தை அணுகலாம் என்று கூறியுள்ளார்.