பாஜக எம்.பி., அஜய் நிஷாத் ராஜினாமா

மக்களவைத் தேர்தல் வேளையில் பாஜகவுக்கு பீகாரில் பின்னடைவு ஏற்பட்டு வருகிறது. பாஜக எம்.பி., அஜய் நிஷாத் செவ்வாய்க்கிழமை ராஜினாமா செய்தார். கட்சியின் அனைத்து பதவிகளையும், கட்சியின் அடிப்படை உறுப்பினர் பதவியையும் ராஜினாமா செய்தார். கடந்த முறை அம்மாநிலத்தில் முசாபர்பூர் தொகுதியில் இருந்து எம்.பி.யாக வெற்றி பெற்றார். ஆனால் பாஜக அவருக்கு மீண்டும் வாய்ப்பு வழங்கவில்லை. இதனால் அதிருப்தியில் இருந்த அவர் பாஜகவில் இருந்து விலகினார். அவர் விரைவில் காங்கிரசில் சேர இருப்பதாக தகவல்கள் தெரிவிக்கின்றன.