విద్యుత్ షాక్ తో రైతు మృతి

పులివెందుల మండలం ఉలిమెళ్ళ గ్రామానికి చెందిన కొమ్మ సోమిరెడ్డి అనే రైతు విద్యుత్ షాక్ తో మంగళవారం మృతి చెందారు. రోజువారి పనుల్లో భాగంగా తన పొలం వద్దకు వెళ్లి మోటార్ ఆన్ చేస్తుండగా ప్రమాదవశాత్తు స్టార్టర్ కు విద్యుత్ సరఫరా అయ్యి రైతు అక్కడికక్కడే మృతి చెందారు. పోస్టుమార్టం నిమిత్తం పులివెందుల ప్రభుత్వ ఆసుపత్రికి తరలించారు. కుటుంబ సభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.