గంగాధర నెల్లూరు: జలహారతి ఇచ్చిన ఎమ్మెల్యేలు

గంగాధర నెల్లూరు నియోజకవర్గంలోని కలవకుంట ఎన్టీఆర్ జలాశయం నిండిన శుభ సందర్భంగా బుధవారం మురకంబట్టు నుంచి బైకులపై ర్యాలీగా చిత్తూరు ఎమ్మెల్యే గురజాల జగన్ మోహన్ వెళ్లారు. పూతలపట్టు ఎమ్మెల్యే మురళీమోహన్తో కలిసి జలహారతి పట్టి గంగకు పసుపు, కుంకుమతో పాటు చీర, సారెలను సమర్పించి ప్రత్యేక పూజలు నిర్వహించారు. గేట్లు ఎత్తి నీటిని దిగువకు విడుదల చేశారు. ఈ కార్యక్రమంలో అధికారులు నాయకులు పాల్గొన్నారు.