ద్విచక్ర వాహన ప్రమాదంలో బంగ్లాదేశ్ యువకుడు మృతి
మందస మండలం కొర్రాయి గేటు సమీపంలో జాతీయ రహదారిపై ద్విచక్ర వాహనం అదుపుతప్పిన ఘటనలో ఒకరు మృతిచెందగా మరొకరు గాయపడ్డారు. భువనేశ్వర్ లోని కైట్ ఇంజనీరింగ్ కళాశాలలో బీటెక్ చదువుతున్న బంగ్లాదేశ్ యువకులు మంగళవారం ద్విచక్ర వాహనంపై విశాఖపట్నం వెళుతుండగా మార్గమధ్యలో ప్రమాదానికి గురయ్యారు. వెనక కూర్చున్న రెహమాన్ రహదారిపై ఉన్న ఇనుపు స్తంభానికి ఢీకొని దుర్మరణం చెందారు. వాహనం నడుపుతున్న మస్తాన్ కు తీవ్ర గాయాలయ్యాయి.
