భారత్‌లో యాపిల్‌ 16 తయారీ.. రెట్టింపైన ఐఫోన్‌ ఎగుమతులు

భారత్‌లో యాపిల్‌ సంస్థ ఐఫోన్ల తయారీ, విక్రయ కార్యకలాపాలను విస్తరిస్తోంది. మన దేశం నుంచి యాపిల్‌ ఐఫోన్ల ఎగుమతులు దాదాపు రెట్టింపు ఆయ్యాయి. ఈ ఏడాది ఏప్రిల్‌ నుంచి ఆగస్టు మధ్య కాలంలో వీటి ఎగుమతుల విలువ 5 బిలియన్‌ డాలర్లకు చేరింది. ఐఫోన్‌ 16 భారత్‌లో తయారవుతున్నట్లు కేంద్ర మంత్రి అశ్వినీ వైష్ణవ్‌ వెల్లడించారు. త్వరలోనే వీటిని ప్రపంచవ్యాప్తంగా ఎగుమతి చేయనున్నట్లు తెలిపారు. దీంతో ఐఫోన్‌ ఎగుమతులు భారీగా పెరిగే అవకాశం ఉందని మార్కెట్ విశ్లేషకుల అంచనా.