నందిగాం: జాతీయ రహదారిపై ప్రమాదం.. పలువురికి గాయాలు
నందిగాం మండలం పాలవలస పేట వద్ద జాతీయ రహదారిపై ఆదివారం కారును వెనక నుండి వచ్చిన గుర్తు తెలియని వాహనం ఢీకొంది. ఈ ప్రమాదంలో కారు డివైడర్ దాటి అవతలి వైపు రోడ్డులోకి దూసుకెళ్లింది. కారులో ఉన్న ఆరుగురు స్వల్ప గాయాలతో బయటపడ్డారు. హైవే పోలీసులు క్షతగాత్రులను అంబులెన్స్ ద్వారా పలాస ఆసుపత్రికి తరలించారు. ఇంకా పూర్తి వివరాలు తెలియాల్సి ఉంది.
