దర్శి నియోజకవర్గంలో ముగ్గురు గొర్రెల దొంగలు అరెస్టు
ప్రకాశం జిల్లాలో గొర్రెలను దొంగలిస్తున్న ముగ్గురు దొంగలను ముండ్లమూరు పోలీసులు అదుపులోకి తీసుకున్నారు. బేస్తవారిపేట, దర్శి, ముండ్లమూరు, నాగులుప్పపాడు ప్రాంతాలలో ఈ దొంగలు గొర్రెలను దొంగలించినట్లుగా పోలీసులు వెల్లడించారు. గొర్రెలను అమ్మి సొమ్ము చేసుకున్న నగదును స్వాధీనం చేసుకున్నామని తెలిపారు. అదుపులోకి తీసుకున్న దొంగలను కోర్టులో ప్రవేశపెట్టి మెజిస్ట్రేట్ ఆదేశాలతో రిమాండ్ కు తరలిస్తున్నట్లు పోలీసులు తెలిపారు.
