అల్లూరు: శ్రీ కామాక్షితాయి అమ్మవారి ఆలయంలో తాళిబొట్టు చోరీ

అల్లూరు మండలం లోని శ్రీ కామాక్షితాయి సమేత సిద్దేశ్వర స్వామి ఆలయంలో మంగళవారం ఆభరణాలు చోరీకి గురయ్యాయి. అమ్మవారి మెడలో ఉన్న మూడున్నర గ్రాముల బంగారు తాళిబొట్టుతో పాటు వెండి ఆభరణాలు దుండగులు అపహరించినట్లు ఆలయ ఈవో చిట్టిబాబు తెలిపారు. ఈ ఘటనపై పోలీసులకు ఫిర్యాదు చేశారు. ఎస్సై కిషోర్ బాబు ఘటనా స్థలాన్ని పరిశీలించి కేసు నమోదు చేసి విచారణ మొదలు పెట్టారు. నిందితులను త్వరగా పట్టుకోవాలని ఈవో కోరారు.