పెద్దకడబూరు: ఉచిత వైద్య శిబిరానికి హాజరైన ఎమ్మెల్యే

పెద్దకడబూరులోని ప్రాథమిక పాఠశాల (మెయిన్) ఆవరణలో ఆదోని మధు ఆసుపత్రి వారిచే శనివారం గుండె జబ్బులు, ఎముకలు, కీళ్లు మరియు కండరాల జబ్బులకు సంబంధించి ఉచిత వైద్య శిబిరం జరిగింది. దీనికి ఎమ్మెల్యే బాలనాగిరెడ్డి ముఖ్య అతిథిగా హాజరై రోగులకు వైద్యులు చేసే పరీక్షలను సమీక్షించారు. అలాగే ఎమ్మెల్యే కూడా బీపీ, రక్తపోటు పరీక్షలు చేయించుకున్నారు. ఇందులో వైసీపీ నేతలు పురుషోత్తం రెడ్డి, రామ్మోహన్ రెడ్డి పాల్గొన్నారు.