మంత్రాలయంలో బంగారు పల్లకి సేవ

మంత్రాలయం శ్రీ రాఘవేంద్ర స్వామి మఠంలో బుధవారం ఉదయం బంగారు పల్లకీ సేవ నిర్వహించారు. బంగారు పల్లకీ సేవ చేయించిన భక్తుల పేరు గోత్రనామాలతో సంకల్ప పూజలు నిర్వహించారు. అనంతరం వజ్రాలు పొదిగిన బంగారు పల్లకీలో వెండి మృతిక బృందావనాన్ని ఉంచి, పండితుల వేద మంత్రాలతో మంగళ వాయిద్యాల నడుమ ప్రాకారం చుట్టూ ఊరేగించారు. ఈ కార్యక్రమంలో శ్రీ మఠం సహాయ మేనేజర్ ఐపీ నరసింహమూర్తి, వ్యాసరాజాచార్యులు పాల్గొన్నారు.